МАЈСТОРИИ СО ТЕСТО КАКО ЛЕТЕН ПРЕДИЗВИК

Во рамките на активностите на селското домаќинство „Пирустија Неданоски“ од селото Рамне, Охрид, постои една што носи наслов „Учиме да сучиме“. Неодамна се одржа првата ваква работилница за оваа сезона.
На работилницата беа повикани ученици што имаат интерес и желба да научат нешто повеќе за традиционалната храна, нејзино приготвување и негување. Момчињата и девојчињата, заедно со домаќинката Наташа, имаа можност да се вклучат во сите фази од процесот – сеење брашно, замесување тесто, создавање катмери и нивно премачкување, сучење со сукало, приготвување на филот, вклучувајќи го и процесот на печење со сач и пирустија, користејќи оган.

Наташа е вљубеничка во традицијата, особено во македонската традиционална кујна. Освен што сака да готви на стар традиционален начин пред гостите што доаѓаат во нивната куќа, таа оди чекор понапред, дружбите ги сведува на работилници и часови по готвење, каде што низ забава успева да им ја пренесе убавината на традицијата. Заедно со членовите на фамилијата, сопругот Васко и двете деца, Христијан и Петар, одржуваат своја мала фарма и градина од каде што ги црпат основните ресурси за создавање на оваа приказна. Но, според Наташа, процесот не би бил целосен ниту пак успешен доколку не се работи на тоа поле со „сопствените“ деца од својата држава. Оттука, таа ја истакнува важноста на пренесување на аманетот за зачувување на старите занаети, старите рецепти, старите традиционални обележја на Македонија, за да се прикаже и зачува битот на овој народ.
Примарната цел на овие работилници е доближување на младината до традицијата и поттикнување чувство на восхит и гордост дека ѝ припаѓаме. Но, паралелните цели се испреплетени со основната, па низ работата се откриваат ситни кулинарски тајни, се дискутираат еколошки теми, се начнуваат разговори за празнувања и обичаи, тука се темите за здрави навики, благодарноста кон природата и екосистемските услуги, нашата важност од зачувување на природните ресурси… едноставно дворот пулсира во еден етноедукативен џагор.

Јас сум презадоволна како помина првата официјална работилница. Пред себе имав деца што првпат се среќаваат со сукало, бљуд, пирустија и сач. Тие покажаа огромен интерес, посветено работеа и веднаш се почувствува нивниот напредок. Најголема победа за мене се нивната среќа од сработеното и задоволството кога го јадат својот производ, вели Наташа Неданоска.

Од „Пирустија Неданоски“ најавуваат дека овие работилници ќе продолжат, за опфаќање што поголем младински аудиториум, идни зачувувачи на овој дел од традицијата. Тие отворено повикуваат на соработка со сите заинтересирани релевантни институции и организации, искрени поддржувачи и поттикнувачи.

Веста и текстот се превземени од порталите novamakedonija.com.mk и ohridpress.com.mk .

Заштитата на животната средина, Охридското Езеро и крајбрежјето, уникатниот биодиверзитет и културните богатства не мора секогаш да се во колизија со развојот на туризмот. Токму тоа е идејата на Стефан Ставрев, сопственик на камперстопот „Дивоно“, кој за своите гости воведува нови, еколошки начини на транспорт и забава. Целта му е да обезбеди одржливо работење и намалување на емисиите на најголемиот стакленички гас, јаглеродниот диоксид и со тоа да го даде својот придонес не само за Охрид, туку и за планетата.

Ставрев работи и со млади во својот едриличарскиот и веслачки клуб, преку кои на младите им ја пренесува љубовта кон езерото и неговата заштита како најголемиот природен спортски терен во Македонија.

Новинар – Сања Наумовска

Стефан, работите на реализирање на идејата вашиот камп Дивоно да обезбеди одржливо и еколошко работење. Кажете ни како планирате да ја реализирате таа идеја?

Нашата цел е заштита на Охридското Езеро, но и на крајбрежјето од една страна, како и развој на туризмот од друга страна. Сметаме дека со еколошко и оддржливо работење, кое сакаме да го постигнеме преку подобрување на инфраструктурата на камперстопот и нудење на еколошки облици на активен туризам со кои ќе го зголемиме бројот на посети на кампери, ќе ги постигнеме двете цели.

Преку секојдневните контакти со нашите гости, кампери од цела Европа и пошироко, констатиравме дека нивните потреби за активен одмор подразбираат користење на електричните велосипеди (city e-bike, mountain e-bike, long distance e-bike) како и еколошки пловила, едрилици и пловила на електричен или соларен погон. Со понуда на овие еколошки средства за активен одмор, сакаме да се етаблираме како ECO ORIENTED CAMPERSTOP. Камперите ќе имаат можност велосипедите да ги користат за разглед на градот, возење низ Националниот парк Галичица или обиколка околу езерото. Со едрилиците или пловилата на соларен и електричен погон, ќе можат да уживаат во убавините на Охридското Езеро и разглед на Охрид од вода, а притоа воопшто да не се грижат дека ќе нанесат некоја штета на езерото и биодиверзитетот. Тоа е нашата визија да помогнеме во заштита на Охридското Езеро, но и во намалувањето на емисиите на јаглероден диоксид.

Колку време постои кампот и кои се вашите најчести гости, домашните или странските туристи? Има ли разлики во нивното однесување кон езерото и околината?

Камперстопот е основан во 2018 година и ги нуди сите вообичаени услуги како и секој кампинг. Она што е специфично за нас и кое е нејпривлечно за нашите посетители е близината на езерото, прекрасниот поглед и убавината во која може да уживаат гостите. Освен тоа, покрај условите за паркинг на камп возилата, на гостите им нудиме и приклучоци за електрична енергија, тушеви со топла вода и тоалети, интернет, машина за перење, празнење на хемиските тоалети и техничката вода на посебен одвод поврзан со колекторскиот систем, рециклирање на отпадот… Кампот има и своја плажа, ресторан, а ние се трудиме секогаш да им ги дадеме и сите корисни информации за Охрид и се друго што би им било потребно за да нивниот престој им биде незаборавен.

Најчести гости се странските туристи, најмногу од Европа, но имаме и кампери од Азија, Австралија, како и од Јужна и Северна Америка. Македонските кампер возила и кампери се помалку но се се почести и нивниот број е во пораст. Односот на нашите гости кон природата е веднаш видлив, тие се внимателни и многу добро знаат како да се грижат за околината. Разлика со домашните туристи има, но не е толку голема. Забележуваме дека и кај домашните кампери еко свеста е на високо ниво, посебно на тие кои патуваат и кампирааат и низ Европа.

Со оглед на вашето искуство во туризмот, што сметате дека е неопходно да се менува во оваа дејност за да се обезбеди вистинска заштита на природните и на културните вредности на вашиот регион? Кои се најголемите еколошки проблеми во моментов кои го загрозуваат Охрид?

Тоа се отпадот, отпадните води, неповрзаноста со нормална патна инфраструктура и велосипедски патеки, неносењето на урбанистички планови и дивоградбите, како и упорното девастирање на Охрид како туристичка дестинација. Што се однесува до решенијата, пак, тоа се неколку работи за кои веќе многупати е зборувано, некои од нив постојат, а за некои има проекти, но реализацијата не е така како што очекуваме и како што треба за да се озбезбеди вистиската заштита на езерото.

Пред се, тука мислам на колекторскиот систем кој треба да се воспостави околу целото езеро. Мора да се изгради и регионална депонија и третманот на отпадот да има стандарди, да се селектира и рециклира, во езерото да не заврши ниту едно пластично шише. Исто така, сметам дека треба да се изгради наутичка инфраструктура, конечно да се заврши автопатот до Охриа и да се направи експресен пат Охрид-Свети Наум.

Она што ние почнуваме да го практикуваме со еколошките пловила треба да стане масовно. Сметам дека мора екстремно да се намали бројот на моторни пловила и да се промовираат еколошките пловила како едрилици, кајаци, кајчиња за веслање, даски за веслање, пловила на соларен погон и други.

Вие имате и веслачки клуб и работите со млади. Колку нивната едукација и поврзувањето со езерото и неговите вредности е важно за да се обезбеди неговата заштита во иднина?

Покрај едриличарскиот клуб, кој успешно работи веќе девет години, со школа за едрење за сите возрасти, имаме и веслачки клуб, со школа за веслање. Се работи за два Олимписки, но и еколошки спортови. Ние во клубовите на младите им ја пренесуваме нашата заложба за заштита на најголемиот природен спортски терен во Македонија, организираме еколошки акции и еколошка едукација. Тоа е нашиот план и за во иднина, да продолжиме со развивање на инфраструктурата на камперстопот, промоција на еколошките вредности, етаблирање на водните спортови и зголемување на понудата за активен туризам.

Веста и текстот се превземени од порталот Inovativnost.mk .

The appetite to found companies is there. Halecker’s research shows that 28% of scientists in Germany want to create spinouts, but only 3% do. That could all change if universities allocated more resources to entrepreneurship, another bottleneck. “I know a few universities in Germany, big ones, without any entrepreneurial professorship. There’s nobody in charge of that stuff,” he says.

Schönenberger says universities need to build dedicated startup labs and “professionalise the entrepreneurial process” to guide students to found businesses. TUM, for example, dedicates 3-4% of its annual budget to entrepreneurship, he says. 

UnternehmerTUM is often given as an example of how to operate a university model of entrepreneurship at scale. It offers 20 programmes to help founders with the basics of building a business, has a team of 400 people that focuses solely on supporting entrepreneurs and creates 50 new businesses per year. In 2023, startups from TUM and UnternehmerTUM raised $2bn across 100 financing rounds, a record for the pair.

Another challenge for a lot of academics-turned-founders is accessing capital. Halecker says that it is often difficult for technical founders (without a background in business) to know how to raise money from VCs. Some founders tell Sifted that finding VCs who truly understand how to finance business models based on deep science can be hard, while others tell me that it can also be tricky to access grants. 

The German government’s EXIST programme, which provides funding for students, graduates or scientists to turn their research into a company, appears successful — 80% of startups that receive research grants are active on the market after five years, according to 2022 statistics.

But some founders say the grants are often too small to finance capital intensive companies, and that the process of applying for the money can be lengthy because the university needs to apply for the grant on the startup’s behalf.

Grants are also often distributed on a federal state level, which can make it hard for founders to understand and access all of the different programmes, says Annika von Mutius, cofounder of automated headhunting system Empion, whose research into mathematical models at WHU — Otto Beisheim School of Management formed the basis of her company. She adds that distributing the money on a national level, rather than a fragmented state level, would make the process easier and more transparent. 

A lack of growth capital in Europe is also a huge problem. Germany is attempting to partly remedy this; last year it announced the close of a **€1bn fund of funds**to invest in German and European VCs. Without more capital though, there’s a risk that the best startup ideas will leave Europe to scale.

There are some positive signs of progress. Schönenberger says that the German government’s Startup Factories competition, announced last year, could be a “game changer.” The idea is to create five to ten regional “startup factories” (modelled on UnternehmerTUM) that have links to universities with a strong spinout culture, are financed at least 50% by private funds and are embedded in the regional startup ecosystem.

“The government is super important because they have to set the boundary conditions, the incentives and also give money to kick off such ecosystems,” says Schönenberger. “So that’s why the startup factory competition is important because you need that spark that says, 'Ok, now we have a competition, apply and go for it'.” 

Something that could make the spinout ecosystem better in Europe, adds Halecker, is to have governments not only provide grants, but contracts. “The government would not be a good investor,” he says, “but should act as a first risk taker and as a customer [to startups].”

Readers, I want to hear from you. What’s happening in countries other than Germany to improve Europe’s spinout ecosystem? What are the other challenges? What’s one thing you want to see the government in your country doing to encourage research commercialization? I’m all ears.

This article is written by Miriam Partington and originally appeared on sifted.eu .

Иновативност: Mалите и средни претпријатија се движечка сила во секоја економија. Декларативно и во Македонија се зборува за нивната важност, но во пракса претпримачите се соочуваат со многу предизвици. Кои се најголемите проблеми на МСП секторот во земјава?   

Ќе започнам со општо прифатениот став дека малите и средни претпријатија се движечка сила на економијата глобално. Токму тие се генератор на работни места низ различни сегменти на општеството, фасилитатор за движење на капиталот, служат како терен за развој на претприемачки дух, придонесуваат за диверзификацијата на економиите и плодна почва за иновациите.

Оттука би било логично и секоја национална стратегија за раст на економијата да се базира на стимулирање на претприемништвото и создавање услови за лесно и брзо отворање на мали бизниси, стартапи кои несомнено еден ден можат да прераснат во големи корпорации.

За поздравување е фактот што во 2021 година во нашиот Закон за трговски друштва („Сл. Весник” бр. 251/2021 од 16.09.2021) се постигна револуционарен напредок во оваа насока, овозможувајќи основање на трговско друштво со минимална основна главнина од 1 евро нарекувајќи го „Поедноставено друштво со ограничена одговорност“.  Со тоа се исклучува првичната бариера кај младите претприемачи дека за да започнат бизнис мора да обезбедат 5.000 евра основачки влог независно од тоа што можеби за реализација на нивната бизнис идеја не се потребни капитални вложувања. Таков пример се услужните дејности од одделите: информации и комуникации и стручни, научни и тејнички дејности.

Иновативност: А како е во пракса? Колку вакви друштва се регистрираа?

Овој пат потфрлија бизнис консултантите, адвокатите, регистрационите агенти, проценителите, сметководителите кои требаше да ја промовираат оваа новина и предност кај потенцијалните претприемачи кои за прв пат започнуваат бизнис. Не може да се очекува тие самите да ги следат новините па да знаат да ја побараат токму оваа форма при основање, која во значителна мера го олеснува и убрзува процесот на одлучување за деловен потфат.

Статистичките податоци покажуваат дека од моментот на стапување на сила на измените до денес се основани само 51 Поедноставено ДОО додека годишно се регистрираат просечно околу 8.000 друштва со ограничена одговорност на едно или повеќе лица. Околу 5.000 друштва се основани од едно лице а тоа може да значи дека овие лица се охрабриле на чекорот на самовработување.

Извор https://www.crm.com.mk/mk/otvoreni-podatotsi/statistichki-bilten

Превземајќи ја обврската самостојно да обезбедуваат приходи за подмирување на обврските за плати и придонеси пред се за себе а понатаму и за дополнително вработени лица, влегуваат во бизнис светот учејќи ја логиката за функционирање како единка во стопанството и останатите чинители на екосистемот.

Иновативност: Што губи стартап, бизнис заедницата со неискористување на поволностите од оваа законска можност?

Недоволното фаворизирање на овој организационен облик за основање бизнис останува во сенка зад трендот на фриленсерство кој станува се поинтересен и поприфатлив за младите ангажирани од “неформални” работодавачи од странство. Навидум претставува модел со најниски трошоци за функционирање, но со малку пошироко анализирање на потенцијалот кај оваа целна група може да се дојде до поинаков заклучок. Имено, ако е потребно само едно евро за основање на друштво (ПДОО) и ако годишниот приход не надмине 2.000.000 денари, не постои задолжителна обврска за влез во системот за ДДВ и во овој случај ангажманот на сметководител би се свел на поднесување завршна сметка со еднократен годишен надоместок.

Да се вратиме на потенцијалот. Започнувањето сопствен бизнис значи посериозен пристап при располагање со остварените приходи, разграничување на исплата на примањата во облик на месечна плата за тековни трошоци и дивиденда наменета за инвестирање или периодични поголеми издатоци. Можноста за развој преку проширување на капацитетите т.е. отварање нови работи места е неограничена. Способноста за менторирање, пренесување знаење и градење тим води кон зголемен потенцијал за раст на приходи и зголемен профит како крајна цел на претприемачот. Со правилна поддршка и соодветна едукација секој млад човек би можел да се впушти во претприемничка авантура вложувајќи само 1 евро!

ПОТРЕБНА Е ЈАСНА И ПОТТИКНУВАЧКА РЕГУЛАТОРНА СРЕДИНА КОЈА ЌЕ ПРОМОВИРА ПРЕТПРИЕМАЧКА КЛИМА, НАСПРОТИ ФРИЛЕНСЕРСКА КОЈА НА ДОЛГ РОК НЕ МОЖЕ ДА БИДЕ ДВИГАТЕЛ ЗА РАСТ И РАЗВОЈ.

Иновативност: Како човек кој диретно е вклучен во бизнис процесите во земјава, како ја оценувате моменталната состојба на домашната претприемничка, иновациска и стартап сцена? Какви трендови се забележуваат?

Би рекла дека инфраструктурата е поставена почнувајќи од самата постапка за регистрирање на бизнис комплетно електронски, лесно достапна, а времетраењето се брои во часови. Исклучување на обврската од располагање со почетен капитал т.е. можноста секој млад човек да се впушти во претприемничка авантура вложувајќи само 1 еур значи уште една бариера помалку. Поедноставениот даночен режим за трговски друштва предвиден во Законот за данок од добивка веке неколку години претставува можност малите и микро трговци кои не надминуваат годишен промет од 3.000.000 денари немаат никаква обврска за корпоративен данок  т.е. данок на вкупен приход. Сепак гореспоменатите статистики покажуваат дека информираноста кај потенцијалните претприемачи не е на посакуваното ниво. Често посочувана причина за одвраќање од реализација на иновативни проекти е недостиг на финансии, но јас би се осврнала и на фактот дека отсуството на потреба на пазарот од конкретната иновација (производ или услуга) е можеби и поголема причина за неуспех на конкретен потфат. Менторството како процес на градење на идни претпиемачи низ призмата на соочување со секојдневни предизвици во бизнисот може да биде најдобар инструмент за подготовка на идните бизнис лидери.

Состојбата на терен е поразителна поради фактот што овие бенефити не само што не се доволно промовирани туку се пристапува со отпор поради недоволна информираност. Ние сме регистрациониот агент за 6 од основаните 51 ПДОО. Основачите се наши соработници, пријатели, клиенти со спин оф стратегија, вистински ентузијасти, иноватори кои ја прифатија препоракатав како вистинска привилегија и ниту еден од нив не дојде со предзнаење дека воопшто постои ваква можност. Доаѓаа и коментари за преиспитување на исправноста и ризиците кај оваа форма главно поради недоволна информираност кај клучните чинители кои треба да бидат промотори на новината.

Иновативност: Што би препорачале на новата власт од аспект на приоритетни мерки за подобрување на бизнис климата, услови за стартување на бизнис и задржување на младите дома?

Обврските за придонеси од задолжително социјално осигурување (здравствено и пензиско) при исплата на плата мора да се постави највисоко на листата на приоритети за реформирање. Растоварување на бизнисите во рана фаза од трошок кој значи 42% сметано на нето плата би бил сериозен охрабрувачки фактор за развој на претприемничката сцена. Поддршка на самовработувањето со различни програми за субвенционирање на давачките за придонеси од плати ке ги охрабри младите полесно да се одлучат за превземање на првиот чекор кон светот на бизнисот.

Потребна е јасна и поттикнувачка регулаторна средина која ќе промовира претприемачка клима, наспроти фриленсерска која на долг рок не може да биде двигател за раст и развој.

Веста и текстот се превземени од порталот Inovativnost.mk.

Успешно реализирано уште едно издание на Стартап Викенд Охрид 2024 кое се одржа од 26ти до 28ми април во организација на Стартап Македонија во соработка со Универзитетот за информатички науки и технологии “Св. Апостол Павле” и Стартап Охрид (стартап заедницата во Охрид)

Во рамки на истиот беа презентирани околу 20 идеи од страна на младите професионалци пред менторите и останатите учесници на настанот, по што следеше гласањето за најдобри идеи и изнаоѓање на нивни бизнис решенија. Работеа десет тима на исто толку идеи. На вториот ден од настанот беа одржани работилници и менторска експертиза од страна на менторите, додека третиот ден, со помош на менторите се доработуваа бизнис решенијата и тимовите се подготвуваа за финалните презентации пред стручнoто жири.

Првото место на Стартап Викенд Охрид го освои тимот Tail, составен од тројца учесници Кирил Младеновски, Петар Прентовиќ и Андреј Ангеловски кои изработија бизнис решение All-in one pet-care & pet-management platform за сите оние кои што имаат домашно милениче и им е потребна асистенција околу негувањето на истото.

Прентовиќ како дел од победничкиот тим Tail упати благодарност до сите учесници на овој настан затоа за поддршката во подготовката на целиот концепт за нанивната идеја.

“..Би сакал да им се заблагодарам и на организаторите, менторите и судиите кои што во овие 54 часа одиграа преголема улога во нашите одлуки кои што ги донесовме за да претвориме во идејата. Одлучивме да одиме со сосема нов концепт од идејата што првично ја имавме. Успешно го креиравме нашиот прототип и добивме позитивни мислења од страна на судиите, рече Прентовиќ“.

Второто место го освои тимот на Strela, составен од четирите члена: Марија Миноска, Андреј Богатиноски, Сергеј Богатиноски и Анастасија Попоска со бизнис решение кое што им помага на малите бизниси и крајните потрошувачи во процесот на испорака на пратки. Strela би била компанија помеѓу поштата и продавачот, нудејќи им поевтини цени, броеви за следење и поедноставно доставувачко искуство.

Третото место замина во рацете на тимот Thrifty, составен од Един Хасангиќ, Стефан Анџеловиќ, Андреј Гавриловиќ, Виктор Китанов, Аниса Плакај и Мустафа Севим за бизнис решение кое претставува онлајн маркет за second-hand облека за бебиња и деца.

“...Имам позадина и искуство со UX/UI дизајн и Front-End Development и стручно образование од областа на информатика. Голем дел од искуството ми е базирано и на интернационалните проекти и пракси, кои покрај меки вештини и усовршување на техничките знаења, ме поттикнаа да завршам и дополнителни курсеви за дигитален маркетинг и бренд дизајн, а досегашните знаења и вештини се обидувам да ги пренесам преку менторства на проекти и држење часови. Упорноста, интегритетот и преземањето голема одговорност уште пред да се биде спремен за тоа се вредности што најмногу ги ценам, а области кои што најмногу ме интересираат се бизнис и технологија. Познавајќи ги моите интереси и карактер, сфатив дека стартап светот е вистинската работна средина за мене и мило ми е што Стартап Викенд Охрид ми го овозможи првото вакво искуство, вели Елена Петковска, учесник на Стартап Викенд Охрид 2024 и дел од тимот на Omnilyst.co. “

Бизнис идејата на која што работеле е Omnilyst.co која всушност е All-in-one платформа за креирање и менаџирање содржини за социјалните мрежи.

“...Анализирајќи го проблемот на контент креаторите каде повеќе од половина од нив се согласуваат дека процесот на креирање уникатни постови за кратко време е премногу стресен и тешко одржлив на долгорочен период, креиравме решение кое за почеток ќе нуди 3 главни алатки: генерирање персонализирани содржини со AI, автоматизација на распоред и следење на перформанси на постовите.“

Дел од тимот на Omnilyst се и Милена Петковска, Ана Апостоловска и Павел Тасков, а Петковска посочува дека е горда што формирале сплотен и посветен тим, полн со конструктивни критики и најбитно, со смисла за хумор и покрај сет сериозност која ја бара работата.

“...Атмосферата и одличната организација на настанот ни овозможија услови максимално да се посветиме на развој на идејата, а советите и поддршката кои што менторите несебично ги дадоа, ни беа од голема помош. Дополнително, една од најголемите вредности која што ја дава Стартап Викенд е изложеноста кон многу информации, менторства, искуство и нови перспективи во само три дена на едно место, за кои што инаку, потребно е многу подолг период да се стекнат. Секако, овие три дена не би имале смисла доколку не овозможат поддршка и поттик учесниците понатаму да продолжат со развој на своите идеи. Со учеството на Стартап Викенд Охрид дефинитивно го добивме тоа и веќе се спремаме за следниот настан каде што ќе го претставиме прототипот за нашиот стартап Omnilyst, спремни за сите наредни предизвици кои доаѓаат со истото, додава Петковска.“

Чест и задоволство ми беше да бидам дел од организацискиот тим на Стартап Викенд Охрид 2024, вели Јаков Јованоски, член на организацискиот тим на Стартап Викенд Охрид 2024.

“...Како домаќин во Охрид имав три цели за овој настан: да нема некој гладен, сите учесници и ментори да се насмеани и да излезат 5 иновативни стартапи кои ќе влезат во екосистемот за понатамошна работа на нив. Организирањето на ваков тип на настани е од голема важност за економскиот просперитет и зголемување на вработеност кај младите кое позитивно влијае врз масовоното иселување на истите. Ние од Стартап Македонија ќе продолжиме да им креираме можности за влез во стартап светот на сите заинтересирани професионалци, додава Јованоски.“

Ова беше мојот 50-ти стартап викенд и втор во Македонија како фасилитатор, вели Симеоне Демалас, фасилитатор на Стартап Викенд Охрид 2024, посочувајќи дека Стартап Викенд како иницијатива е дел од глобалниот екосистем каде луѓето можат да научат да бидат претприемачи.

“...Да се биде претприемач е нешто што може да биде променливо за начинот на размислување на една личност и може да го промени буквално нивниот живот. За време на 54-те часа на настанот, луѓето учат како да градат компанија и да ги испробаат врвовите и падовите на создавање компанија без да ризикуваат ништо, истакна Демалас.“

Некои победија, некои најдоа нови работни места, а други пак создадоа нови конекции. Но, едно е сигурно: Сите добија нешто плус во своите професионални кариери, посочуваат организаторите.

Настанот беше со задоволство поддржан и од Стартап Охрид, првата формална организација за подршка на стартап и високотехнолошки компании во Охрид! Со задоволство ве очекуваме да ни се придужите во организација на следниот настан на следниот линк1 и линк2.Во меѓувреме за нови настани и вести пратете не на нашиот Startup Ohrid Facebook и Instagram профил.

Во прилог неколку фотографии кои ја доловуваат атмосферата на настанот:

Веста и текстот се делумно превземени од порталот OhridNews.

Овој викенд од 26ти до 28ми април се организира второто издание на Стартап Викенд Охрид, кое започна петок попладне и ќе трае до недела вечер.

Стартап Македонија е организатор, додека пак универзитетот за информатика “Св. Апостол Павле” е домаќин на овој настан, најголем од ваков тип во државата.

По отварањето на настанот во петок попладне, првата активност која што ја имаа учесниците беше презентирање на своите стартап идеи.

Околу 20 идеи беше бројката на презентирани идеи од страна на младите професионалци пред менторите и останатите учесници на настанот. 

Откако сите си ги презентираа (pitching) своите идеи, секој учесник располагаше со по три гласа, со кои што можеше да гласа за една или повеќе идеи.

По гласањето, половина од идеите продолжија понатаму, додека останатите отпаднаа. Учесниците, чии што идеи отпаднаа имаа и можност да се им се придружат на учесниците чии што идеи продолжија понатаму и со тоа воедно ги формираа тимовите.

Откако тимовите беа формирани, се одржа работилница за Бизнис модел канвас, на која што се разговараше за важноста и суштината на овој модел.

Тимовите започнаа со работа на своите идеи во текот на ноќта, и ќе работат на истите до финалното гласање, кое што е закажано во недела попладне. Нивната задача е да ги преточат своите идеи во бизнис решенија, односно прототипи. 

Во текот на вториот ден, тимовите ќе имаат и менторска поддршка, која е доста разнолика, бидејќи менторите доаѓаат од различни области.

Менторите ја нудат својата експертиза сѐ со цел да им помогнат на тимовите да дојдат до подобри прототипи.

Покрај менторската поддршка, за вториот ден е предвидено и оддржување на работилница за валидација на идеја и работилница за pitch.

Што мислат учесниците за Стартап Викендот?

*Нашата идеја е Omnilyst, воглавно тоа ќе биде платформа специјализирана за контент креатори и инфлуенсери.* 

Какво е твоето досегашно искуство од настанот?

*Искуството на целиов стартап викенд е доста едукативно, поради тоа што има многу голем број на информации постојат на интернетот, што можеме на ги најдеме и што може само да не збунат во процесот на самата креација на бизнис.*

Фасилитаторот беше тука за да не насочи и да ни помогне полесно да креираме еден квалитетен стартап бизнис.

Милена Петковска, учесник на Стартап Викенд и дел од тимот на Omnilyst

Јас сум контент креатор на Стартап Викенд и мојот дел е да го креирам целиот контент кој што излегува на социјалните платформи и да го промовирам настанот најдобро што можам.

Како си поминуваш?

Супер си поминувам, работно и стекнувам доста ново искуство.

Која е лекцијата што ја научи на овој Стартап Викенд?

Ја научив лекцијата дека треба да работиме понапорно и подинамично.

Дарко Соколески, волонтер на Стартап Викенд Охрид

Авторот на текстот е Љубомир Давитков и е превземен од порталот IT.mk.